AVRCD FONTESVELLAS (LAÑAS)

Varias Imaxes: Hórreos Galegos

Hórreo do Mosteiro de Poio (Poio, Pontevedra)

Este hórreo atópase no Mosteiro de San Xoán de Poio e trátase do maior hórreo de Galicia no que a superficie se refire, que supera os 120 m2.

É un hórreo de finais do século XVIII, cunha lonxitude de 33,46 metros e unha anchura de 3,368 metros.

Tén un total de 51 pés, 17 filas de 3 pés cada unha, todos con tornarratos. O tellado é de catro augas, con tella do país. Podemos dicir que segue unha tipoloxía "Morrazo"

Hórreo do Mosteiro de Poio (Pontevedra)

Hórreo de San Roque (A Coruña)

Este hórreo atópase no Barrio de San Roque de Fóra, e trátase dun hórreo moi particular, cunha tipoloxía entre a "Bergantiños" e a "Fisterra".

Unha das súas características máis importantes é o feito de que estea construído por pezas de grandes dimesións. Ademais, está levantado sobre un muro oco, que tamén se empregaba como almacén de produtos que non requirían ventilación.

Levantouse no século XIX e foi reconstruído no ano 2020, logo de pasar máis dunha década gardado nunha nave.

Está feito de pedra, madeira e tella, con tellado de dúas augas. Destacan os detalles da cruz e o pináculo, como remates das sobrepenas.